Messi və Suaresdən DÇ-2030-a dəstək

“Barselona”nın ulduz futbolçuları Lionel Messi və Luis Suares DÇ-2030-un Cənubi Amerikada keçirilməsini dəstəkləyəcək.
Cütlük Argentina, Uruqvay və Paraqvayın birgə ev sahibliyinə dəstək olmağa razılıq verib.
Bunu layihənin koordinatoru Fernando Marin açıqlayıb. O bildirib ki, Messi ilə söhbət müsbət nəticələnib və argentinalı onlarla razılaşıb. Marin uruqvaylının da ona qoşulacağını qeyd edib.
Qeyd edək ki, DÇ-2030 mundialların yüzilliyi ilə üst-üstə düşür. İlk turnirin ev sahibi və qalibi Uruqvay həmin vaxt finalda Argentinanı 4:2 hesabı ilə məğlub edib.