Rusiya XİN: İşğal olunmuş torpaqların azad edilməsi tələbi hər zaman danışıqlar masasında olub

Dağlıq Qarabağ münaqişəsi, o cümlədən atəşkəslə bağlı bir neçə həll yolu var.
Bunu xarici işlər naziri Sergey Lavrov 2016-cı ilin yekunlarına həsr olunmuş mətbuat konfransında deyib.
Nazirin sözlərinə görə, işğal olunmuş ərailərin azad edilməsi tələbi hər zaman danışıqlar masasında olub: "Amma bu tələb dinc xarakter daşıyır və Dağlıq Qarabağın statusunun müəyyən olunmasını nəzərdə tutur".
S.Lavrov qeyd edib ki, Rusiya 2016-cı ilin aprelində münaqişə tərəfləri arasında qarşıdurmanın qarşısının alınmasında həlledici rol oynadı.