Xətai Sənət Mərkəzində “Sumqayıtlı bahar qızları Bakıda” adlı sərgi-tədbir keçirildi

Azərbaycan Respublikası Təhsil Nazirliyi, Azərbaycan Rəssamlar Ittifaqı, Sumqayıt Şəhər İcra Hakimiyyətinin dəstəyi, Sumqayıt Şəhər 1 nömrəli Uşaq-Gənclər İnkişaf Mərkəzi və Xətai Sənət Mərkəzinin təşkilatçılığı ilə Sumqayıt Şəhər 1 nömrəli Uşaq-Gənclər İnkişaf Mərkəzinin uşaqları ilə “Nəsimi ili” çərçivəsində ruzi bərəkət bayramımız olan Novruzu yaşamaq və yaşatmaq məqsədi ilə 2019-cu il 9 mart tarixində saat 16:00-da Xətai Sənət Mərkəzin“Sumqayıtlı bahar qızları Bakıda” adlı sərgi-tədbir keçirildi.
Tədbirin bədii hissəsi Sumqayıt 1 nömrəli Uşaq-Gənclər İnkişaf Mərkəzinin uşaq musiqi dərnəklərinin hazırladığı “Bahar qızlarının rəqsi” ilə başladı. Müxtəlif rəqs və şeir nominasiyaları ilə davam edən tədbir uşaqlarda vətənpərvərlik duyğularını oyadan rəqsindən sonra mərkəzin direktoru Əntiqə xanım Rzayeva ilk giriş sözü ilə açaraq davam etdirdi. Əntiqə xanım qonaqları salamlayaraq mərkəzin fəaliyyətindən və gələcək planlarından danışdı. Azərbaycan Rəssamlar İttifaqının katibi Xalq Rəssamı Professor Ağaəli İbrahimov çıxış edərək uşaqlara uğurlar arzulamaqla onların dövlətimiz qarşısındakı vəzifələrindən danışdı. Xalq Rəssamı, professor Arif Hüseynov Sumqayıtlı balaları Bakıda görməkdən məmnunluğunu ifadə edərək uşaqları daha çox öz üzərində işləməyə dəvət etdi. Təhsil Nazirliyinin UGİM-nin müdiri Qeyrət Şirəliyev, Təhsil Nazirliyinin metodisti CəmilənFəyyaz, Xətai Sənət Mərkəzinin direktoru Zahid Əvəzov çıxış edərək tədbirin əhəmiyyətindən danışdılar. Mərkəzin kollektivinə və bütün uşaqlara uğurlar dilədilər.