Yazıçı-şairə Mətanət Ulu Şirvanlının "Şəhidlik zirvəsi - Şamaxı şəhidləri" adlı yeni kitabı işıq üzü görüb

"Şəhidlik zirvəsi - Şamaxı şəhidləri" adlı yeni kitab işıq üzü görüb. Kitab tanınmış yazıçı-şairə Mətanət Ulu Şirvanlının şəhidlər haqqında yazdığı növbəti publisist təqdimatıdır.
Kitab Birinci və İkinci Qarabağ döyüşlərindən bəhs edir.
Müəllif kitabda erməni cəlladları tərəfindən torpağımızda törədilən cinayətlərdən bəhs etmiş, 30 illik vətən həsrətini qələmə almışdı.
Qarabağı canı-qanı bahasına qoruyan qobustanlı döyüşçülərin xatirəsini yad edən yazıçı onların taleyini və döyüş yolunu elegiya janrında oxuculara təqdim etmişdir.
Kitabda "Heç kim unudulmur, heç kim yaddan çıxmır" başlığı altında Səfərbərlik və Hərbi xidmətə Çağırış üzrə Dövlət xidmətinin Şamaxı rayon Şöbəsinin rəisi Pərviz Feyzullayev, yazıçı-dramaturq Seyran Səxavət, "525-ci qəzet"in baş redaktoru Rəşad Məcid, AYB-nin şöbə müdiri Sayman Aruz və yazıçı dramaturq Elçin Hüseynbəyli kitabda şəhidlərimiz haqqında fikirlərini qeyd etmiş, vətənimizin müstəqilliyi, ərazi bütövlüyü uğrunda igidlik göstərən şəhidlərimizi hörmətlə yad etmişlər.
Vətən bölünməz-şəhidlər ölməz! İllər keçəcək, bizim kimi gələcək nəsillər də şəhidlərimizi minnətdarlıq hissi ilə yad edəcəklər. Heç kim unudulmur, heç kim yaddan çıxmır.
Allah bütün şəhidlərimizə rəhmət eləsin.