Cənubi Koreyada altı şirkət təxminən 330 min avtomobili geri çağıracaq

Cənubi Koreyanın altı avtomobil istehsalçısı nasaz komponentləri dəyişdirmək üçün ümumilikdə 327 598 avtomobil və motosikleti geri çağırmaq qərarına gəlib.
Bu barədə Yonhap agentliyi ölkənin Dövlət əraziləri, İnfrastruktur və Nəqliyyat Nazirliyinə istinadən bildirib.
Nazirlikdən bildirilib ki, söhbət Hyundai Motor, Volvo Korea, Kia, Mclaren, Husqvarna Motorcycles Korea və Fleta motosikletlərini istehsal edən Myeong Won INC şirkətlərindən gedir.
Bu qərar təyin edilmiş istehsalçıların 20 avtomobil modelinə təsir edəcək.
Şirkətlər oktyabrın 28-dən təmir və ya hissələrin dəyişdirilməsinə başlamaq niyyətindədirlər.