Azərbaycan həmişə beynəlxalq öhdəliklərini yerinə yetirib - Ali Məhkəmənin sədr müavini

Azərbaycan həmişə beynəlxalq öhdəliklərini yerinə yetirib və bundan sonra da yerinə yetirəcək.
Bunu Ali Məhkəmənin sədr müavini Çingiz Əsgərov Qaçqınların Beynəlxalq Himayəsi və Avropa İnsan Hüquqları Məhkəməsinin qaçıqnlar, sığınacaq axtaranlar və vətəndaşlığı olmayan şəxslərlə bağlı qərarlar toplusunun nəşri ilə bağlı tədbirdə deyib.
Onun sözlərinə görə, İkinci Qarabağ Müharibəsində qazanılmış qələbə Azərbaycanın dünyada nüfuzunu artırıb.
"Bu da ona rəvac verir ki, digər ölkələrin vətəndaşları, o cümlədən sığınacaq axtaran şəxslər də Azərbaycanda yaşamaq istəyəcəklər. Azərbaycan həmişə beynəlxalq öhdəliklərini yerinə yetirib və bundan sonra da yerinə yetirəcək,”- deyə Ç.Əsgərov bildirib.