Yeni əlillik meyarları bu günədək pensiya alanlara təsiri etməyəcək - Nazirlik

Yeni əlillik meyarları ilə bağlı dəyişiklik bu günə qədər pensiya alan şəxslər üçün fərq yaratmayacaq.
Bunu Əmək və Əhalinin Sosial Müdafiəsi Nazirliyinin Əlillik siyasəti şöbəsinin müdiri Sabir Qocayev deyib.
Onun sözlərinə görə, bu günə qədər əlilliklə bağlı pensiya alan şəxslər ödənişlərini eyni qaydada alacaqlar.
"İndiyə qədər əlillik ala bilməyən şəxslərin də bir çoxu əlillik ala biləcək. Əlilliyi müddətsiz olanlar yenidən dəyərləndirməyə cəlb olunmayacaq", - deyə o əlavə edib.