Dünya Bankı Ukraynaya 1,49 milyard dollar məbləğində maliyyə dəstəyi verəcək

Dünya Bankının (DB) Direktorlar Şurası Ukrayna hakimiyyətinə 1,49 milyard dollar məbləğində maliyyə dəstəyi göstərməyi qərara alıb.
Bu barədə Dünya Bankından bildiriblər.
Bu məbləğ Dünya Bankının Kiyevə göndərmək niyyətində olduğu 4 milyard dollarlıq yardım paketinin bir hissəsidir. Bu vəsaitlərə Böyük Britaniya, Niderland, Litva, Latviya və bir sıra digər ölkələrin verdiyi kredit zəmanətləri daxildir.
DB hesab edir ki, vəsaitlər, xüsusən, “dövlət qulluqçularının və sosial işçilərin maaşlarının ödənilməsinə” yönəldiləcək.