İşğaldan azad olunmuş ərazilərdə yeni məktəblər tikilir

İşğaldan azad olunmuş ərazilərimizdə yeni məktəblər tikilir.
Bunu jurnalistlərə açıqlamasında elm və təhsil nazirinin müavini Firudin Qurbanov deyib.
Nazir müavini bildirib ki, hazırda Şuşa, Ağdam və Cəbrayılda məktəb tikintisi davam edir.
"30 ilə yaxın dövrdə bizim Qarabağda tarixi abidələrimiz, milli mədəni irsimizin nümunələri, eyni zamanda təhsil ocaqları məhv edilib, 600-ə yaxın tarixi abidə, 1000-ə yaxın təhsil müəssisəsi dağıdılıb. Bu gün fərəh hissi ilə qeyd etməliyik ki, azad olunan ərazilərdə quruculuq işləri aparılır, dövlət başçısının tapşırığı ilə böyük layihələr həyata keçirilir",- nazir müavini deyib.