Yunanıstanda iki qatarın toqquşması nəticəsində ölənlərin sayı 29-a çatıb

Yunanıstanda sərnişin qatarı ilə yük qatarının toqquşması nəticəsində ölənlərin sayı 29 nəfərə çatıb.
Bu barədə "BNO News" agentliyi məlumat yayıb.
Məlumata əsasən, hadisə nəticəsində 86 nəfər xəsarət alıb, onlardan 25-nin vəziyyəti ağırdır.
Bildirilir ki, hadisə yerində axtarış-xilasetmə işləri davam etdirilir.
Xatırladaq ki, Yunanıstanın Larisa şəhəri yaxınlığında yerləşən Evangelizmos yaşayış məntəqəsində iki qatar toqquşaraq relsdən çıxıb.