Xəzərdə üzən gəmilərə xəbərdarlıq edilib

Dövlət Dəniz və Liman Agentliyi Xəzər dəniz akvatoriyasında müahidə edilən güclü küləklə bağlı gəmilərə xəbərdarlıq edib.
Agentlikdən verilən məlumata görə, iyulun 29-dan Xəzər dənizi akvatoriyasında başlayacaq külək iyulun 30-u səhər saatlarına kimi davam edəcək.
Həmin günlər ərzində şimal-qərb küləyinin 18-23 m/s, arabir 25-28 m/s, açıq dənizdə isə 30-32 m/s-dək güclənəcəyi gözlənilir.
Dalğanın hündürlüyü 2-3 metr, sonrakı inkişafda 3,5-5,5 metrə çatacağı proqnozlaşdırılır.