Satmaq istədiyi narkotikləri AAAF parkda gizlətdi

Abşeronda narkotacir saxlanılıb.
25 yaşlı Mircəlal Əkbərlinin yaşadığı Xırdalan şəhəri, AAAF park yaşayış kompleksi ərazisində yerləşən mənzilində xüsusilə külli miqdarda psixotrop maddə metamfetamin və külli miqdarda narkotik vasitə heroin aşkarlanıb. O, həmin maddələri satış məqsədi ilə qanunsuz əldə edib yaşadığı mənzildə saxlayıb.
Abşeron RPİ-nin əməkdaşları tərəfindən keçirilmiş əməliyyat-axtarış tədbirləri nəticəsində o, saxlanılaraq polis idarəsinə gətirilib. Üzərindən metamfetamin və heroin aşkar edilərək götürülüb.
Faktla bağlı cinayət işi başlanaraq istintaq aparılır.