Heqiqet.Az » dunya » Senat ABŞ hərbçilərinin 30 gün ərzində Yəməndən çıxarılmasına dair qanun qəbul edib


Senat ABŞ hərbçilərinin 30 gün ərzində Yəməndən çıxarılmasına dair qanun qəbul edib

14-03-2019, 11:22
Çap et
Senat ABŞ hərbçilərinin 30 gün ərzində Yəməndən çıxarılmasına dair qanun qəbul edib ABŞ Yəməndə döyüşən və ya müharibənin gedişinə təsir edən bütün hərbi elementlərini 30 gün ərzində bu ölkədən çıxaracaq.
ABŞ Senatı bununla bağlı qanun layihəsi qəbul edib.
Senatın 54 üzvü layihənin lehinə, 44-ü isə əleyhinə səs verib.
Bu sənəd Konqresin Nümayəndələr Palatasında qəbul edildikdən sonra ABŞ Prezidenti Donald Tramp tərəfindən imzalanmalıdır. Qanun bundan sonra qüvvəyə minəcək.
Qeyd edək ki, Yəməndə hökumət qüvvələri ilə husi qiyamçıları arasında müharibə gedir. Səudiyyə Ərəbistanının başçlıq etdiyi ərəb dövlətlərindən ibarət koalisiya hökumət qüvvələrini dəstəkləyir. Bu ilin fevralında Nümayəndələr Palatası ABŞ-ın Yəməndə Səudiyyə Ərəbistanına hərbi dəstəyini kəsməsinə dair başqa bir qanun layihəsini qəbul etmişdi.
Reytinq: