Xətai Sənət Mərkəzində “AKVAREL TƏƏSSÜRATLARI” adlı akvarel əsərlərindən ibarət satış sərgisi keçirildi

“AKVAREL TƏƏSSÜRATLARI” adlı akvarel əsərlərindən ibarət satış sərgisinin açılışı 2022-ci ilin 1 mart tarixində saat 18:00-da Xətai Sənət Mərkəzində baş tutdu.
Sərgi Azərbaycan Respublikası Milli Məclisinin Mədəniyyət Komitəsi, Azərbaycan Respublikası Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyası, Beynəlxalq Akvarel Cəmiyyətinin Azərbaycan nümayəndəliyi ("IWS Azerbaijan") və Xətai Sənət Mərkəzinin nəzdindəki Xətai Akvarel Qalareyasının təşkilatçılığı ilə hazırlanmışdı.
Məqsəd ölkəmizdə sulu boya sənətinin inkişafı, təbliği bu sahədə çalışan rəssamların yaradıcılığının dəstəklənməsi məqsədilə Beynəlxalq Akvarel Cəmiyyətinin (IWS Globe International Watercolor Society) 10 illik yubileyinə həsr olunmuşdur.
Sərgidə 60-a yaxın suluboyaçı rəssam 80-ə qədər əsəri ilə təmsil olunurdu.
Sərgini giriş sözü ilə Azərbaycan Dövlət Rəsm Qalereyasının direktoru Qalib Qasımov açdı. Tədbirdə millət vəkillərimiz Ganire Pashayeva, Razi Nurullayev, Azərbaycan Rəssamlar İttifaqının katibi, professor Ağəli İbrahimov, Xalq Rəssamı Arif Hüseynov, Sənətşünas Ziyadxan Əliyev, Beynəlxalq Suluboya Cəmiyyətinin sədri Səbinə İskəndər və Xətai Sənət Mərkəzinin direktoru çıxış etdi.
Sərgidən 20-yə yaxın əsər satıldı.
Əsəri sərgilənən rəssamlara hədiyyələr və sertifikatlar təqdim olundu və sərginin elektron kataloqu
https://online.anyflip.com/zfovh/tzfh/mobile/index.html hazırlanıb.