ABŞ Rusiyadan rekord məbləğə uran əldə edib

2023-cü ildə ABŞ Rusiyadan rekord məbləğə uran alıb. Bu məhsula 1,2 milyard dollar xərclənib ki, bu da bütün statistik müşahidələr dövrü üçün maksimum dəyər olub.
Bu barədə ABŞ statistika xidməti məlumat yayıb.
Fərq xüsusilə 2023-cü ilin dekabrında, ABŞ-ın 193,2 milyon dollarlıq uran aldığı zaman nəzərə çarpıb. 2023-cü ildə əməliyyatların dəyəri 1,2 milyard dollara yüksəlib. Əvvəlki maksimum 2010-cu ildə 1,05 milyard dollar olub.
Eyni zamanda, tədarük həcmi azalaraq 702 ton təşkil edib. Halbuki, 2013-cü ildə ABŞ 982 ton uran alıb.