Ərdoğan Zelenski ilə Rusiya və Ukrayna arasında danışıqları müzakirə edib

Türkiyə prezidenti Rəcəb Tayyib Ərdoğanın ukraynalı həmkarı Vladimir Zelenski ilə telefon danışığı olub.
Telefon danışığı zamanı İstanbulda Rusiya və Ukrayna nümayəndə heyətləri arasında keçirilən danışıqların nəticələri müzakirə edilib.
R.T.Ərdoğan Rusiya və Ukrayna liderlərinin Türkiyədə görüşünün təşkili təklifini təsdiqləyib.
Türkiyə dövlətinin başçısı qeyd edib ki, İstanbul görüşünün nəticələri Ukraynada müharibənin dayandırılması və sülhün bərqərar olması istiqamətində aparılan prosesə mühüm təkan verib.