Ekvadorda torpaq sürüşməsi nəticəsində 14 nəfər həlak olub

Ekvadorun Alausi şəhərində torpaq sürüşməsi nəticəsində ölənlərin sayı 14 nəfərə çatıb.
Bu barədə ölkənin Fövqəladə Hallar İdarəsinin "Twitter" səhifəsindəki paylaşımda deyilir. Daha əvvəl 8 nəfərin öldüyü, 71 nəfərin itkin düşdüyü bildirilirdi.
"14 nəfər ölüb, 33 nəfər yaralanıb, 67 nəfər itkin düşüb", - deyə paylaşımda bildirilir.
Qeyd edilir ki, hadisə yerində axtarış-xilasetmə əməliyyatı davam edir.