Siyəzəndə torpaq sürüşməsi olub, iki ailə köçürülüb

Siyəzəndə torpaq sürüşməsi olub.
Fövqəladə Hallar Nazirliyindən verilən məlumata görə, sürüşmə Siyəzən rayonunun Sədan kəndində baş verib.
Nəticədə kənd sakinləri N.Qanbayeva və G.Məlikovanın yaşadıqları fərdi yaşayış evləri yaşayış üçün yararsız vəziyyətə düşüb.
FHN-in Şimal Regional Mərkəzinin əməkdaşları tərəfindən evləri təhlükəli vəziyyətə düşmüş Sədan kənd sakinləri üçün müvəqqəti yaşayış məqsədilə iki ədəd çadır qurularaq vətəndaşlara təhvil verilib.