Ukrayna DİN Rusiyanın Kiyevə hücum planlaşdırdığını bildirib

Ukrayna daxili işlər nazirinin müşaviri Anton Geraşenko Rusiya qoşunlarının fevralın 25-də Kiyevə hücum etməyə planlaşdırdığını bildirib.
Bu barədə o, sosial şəbəkədə yazıb.
"Ən ağır gün bu gün olacaq. Düşmənin planı tank dəstələri ilə İvankov və Çerniqov istiqamətindən Kiyevə hücum etməkdir", - deyə o yazıb.
Eyni zamanda Ukrayna Silahlı Qüvvələrinin Baş Qərargahı Dimer və İvankov yaşayış məntəqələri yaxınlığında döyüşlərin getdiyini bildirib.