Xətai Sənət Mərkəzində “AZƏRBAYCANIM” V RESPUBLİKA UŞAQ RƏSM FESTİVALI çərçivəsində elan olunmuş müsabiqənin yekun sərgilərinin birinci hissəsi açıldı

Azərbaycan Respublikası Mədəniyyət Nazirliyi, Azərbaycan Respublikası Təhsil Nazirliyi, Azərbaycan Televiziya və Radio Verilişləri Qapalı Səhmdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “ŞUŞA İli”nə töhfə olaraq, uşaqların, yeniyetmə və gənclərin yaradıcılığını stimullaşdırmaq, onların əhatə olunduqları mədəni mühitə yanaşma tərzinin təkmilləşdirmək, onların bədii zövqünü inkişaf etdirmək, Azərbaycan xalqının mədəniyyətini, şanlı Azərbaycan əsgərinin qəhrəmanlığını, işğaldan azad olunmuş ərazilərimizin mədəni irsinin daha geniş təbliği məqsədilə elan olunmuş “AZƏRBAYCANIM” V RESPUBLİKA UŞAQ RƏSM FESTİVALI çərçivəsində nəzərdə tutulmuş 4 gün növbəli sürətdə keçirilməsi nəzərdə tutulmuş yekun sərgilərinin ilk sərgisi 2022-ci ilin 18 may tarixində Xətai Sənət Mərkəzində açıldı.
Tədbiri açan Azərbaycan Dövlət Rəsm Qalereyasının direktoru Qalib Qasımov tədbir iştirakçılarını salamladı və tədbirin əhəmiyyətindən danışdı. Həmçinin, açılışda Azərbaycan Respublikası Mədəniyyət Nazirliyinin nümayəndəsi Aqşin Mirfeyzullazadə,Xətai rayon İcra Hakimiyyəti Humanitar məsələlər üzrə şöbə müdiri Pənah İmanov, Xətai Sənət Mərkəzinin direktoru Zahid Əvəzov öz ürək sözlərini balaca rəssamlarla bölüşdülər.
Sərgi iştirakçıları serifikatla təltif olundular.
Sərgilərin davamı növbəli şəkildə 19,20,21 may tarixlərində açılacaqdır.
Əsərləri elektron kataloqda yerləşdirilmiş müəlliflərin əsərlər sərgilənir (siyahı linkdə qeyd olunub)
https://www.yumpu.com/xx/document/read/66828814/azerbaycanim-v-resm-festivali-2022
Tədbirdə ən azı 3 əsəri ilə təmsil olunan tədris mərkəzləri (siyahı linkdə qeyd olunub)
https://www.yumpu.com/xx/document/read/66828863/tdbird-n-az-3-sri-il-tmsil-olunan-tdris-mrkzlri-tskkurnam-il-mukafatlandrlacaq
təşəkkürnamə ilə mükafatlandırılacaq.
Xatırladaq ki,sərgilərdən seçilmiş üç yaş qrupundan hər yaş qrupu üzrə 10 ən yaxşı əsərin müəllifi festivala dəvət olunacaq.
Tədbirin gedişini Xətai Sənət Mərkəzinin sosial media hesabları (facebook-Xetaisenetmerkezi,instagram-@xetaisenetmerkezi) və Azərbaycan Dövlət Rəsm Qalereyası sosial media hesabları, (facebook - ADRQalereya.az, instagram - @azgallery.az) həmçinin qalereyanın internet saytı (www.azgallery.az) vasitəsilə izləmək mümkün olacaq.
Mətbuat dəstəyi: Azərbaycan Televiziya və Radio Verilişləri Qapalı Səhmdar Cəmiyyəti, Azərtac, Mədəniyyət qəzeti, Azpress.az, Milli.az, Trend news agency, Day.az, Edumap, Eduonline.az, Frame.az, xsm.az və Tanışolaq jurnalı
Tədbiri dəstəkçisi Hollandiyanın boya markası olan “Royal&Talens”inArtcreation brendidir.