Ağ Ev Konqresdən Ukrayna üçün əlavə maliyyə vəsaiti istəyəcək

ABŞ Prezident Administrasiyası Ukrayna üçün əlavə maliyyə vəsaiti ayrılmasına dair sorğu üzərində çalışır.
Bu barədə CNN telekanalı məlumat yayıb.
ABŞ-nin ordu satınalmaları şöbəsinin rəisi sorğunun bu payız Konqres tərəfindən nəzərdən keçiriləcəyini deyib:
"Düşünürəm ki, çox tutarlı əsaslarımız olacaq və ümid edirik ki, Ukraynanın maliyyələşdirilməsinə davam etmək, xüsusən, hərbi sursat istehsalı və hərbi sursat satınalmalarının artması üçün Konqresin dəstəyinə nail ola biləcəyik".
Məlumata görə, maliyyələşdirmədə çatışmazlıq olmayacağı gözlənilir, belə ki, Pentaqon bundan əvvəl Kiyev üçün silahlara sərf olunan məbləği artıraraq, 6,2 milyard dollara çatdırıb.