Rusiya və Ukrayna arasında danışıqlar başladı

Rusiya və Ukrayna nümayəndələri arasında danışıqların dördüncü raundu başlayıb.
Bu barədə Ukrayna Prezident Ofisi rəhbərinin müşaviri Mixail Podolyak tvitter hesabında bildirib.
Onun sözlərinə görə, danışıqlarda atəşkəs razılaşması, Rusiya qoşunlarının Ukraynadan dərhal çıxarılması və təhlükəsizlik təminatı ilə bağlı müzakirələrin aparılması nəzərdə tutulub.
Qeyd edək ki, bundan əvvəlki danışıqlar Belarus ərazisində baş tutub, görüşlərdə humanitar məsələlərlə bağlı bir sıra razılıq əldə olunub.